25/06/2012

Lès istwâres dèl Blanke Sorite !

DA.jpg

Amis' 


ène blanke sorite

èt in gris maroû

astin'tè amis'

dèspûs tout p'tits.

 

Djuwant à cat muchî,

èl blanke sorite

d'vins 'ne vièye armwâre,

èst daléye s' acwati.

No gris maroû,

n'a nî-n mis lômint

pou dèscouvri l' muchète,

dè s' pètite amisse.

 

Alintoûr d' ène jate dè lacha,

ène blanke sorite

èt in gris maroû ont fét la pés.


Dessins: Michel Piérart, Textes: Christian Fauconnier


 

DH1.jpg


P'tit Spirû

 

Dins l' pètit bos du cat cornu

in djon.ne spirû,

ène manoke a s' mangn,

cache dè què mindjî.

 

In vî lapin,

cwâsant s' tchèmin,

lyi fét r'marquî

in bia noûjî.

 

"Vos din volèz yeune ?

dèmande no p'tit spirû

lyi moustrant

ène grosse noûjète.

 


-Vos stèz bî-n al'vè

rèspont no vî lapin

mès wétèz, dju vî-n co

d' èskètér deûs dints ! "


Dessins: Michel Piérart, Textes: Christian Fauconnier


 

DB.jpg

 

èl Bleû Lapin !


èl dîmince dè Pâques

al piquète dou djoû

in bleû lapin,

pus vî qu'lès k'mins,


daloût tout bèlmint

pou muchî dès pôscâdjes,

pa t't-avô lès parcs

èt lès gardins d'agrémint.


No bleû lapin

counwat foûrt bî-n sès djins:

dès roûdjes-ûs pou Djan-Piére

èyèt dès vèrts pou Muriel.


D'in wôt !...

lès clokes dè Rome, l'incorâdj'tè:

pus râde, pus râde bleû lapin !...

èl solèy èst près dè s' dèsmuchî !


Dèdja, lès p'tits-èfants

keûr'tè dins lès pachîs.

Dè lès vîr eûreûs

èst pou no bleû lapin

èl pus bèle dès rècompinces.


Dessins: Michel Piérart, Textes: Christian Fauconnier




14:36 Écrit par CHRISTIAN FAUCONNIER dans Livre | Lien permanent | Commentaires (3) |  Facebook |

Commentaires

Salut camarade scriveû très beaux textes pour les enfants pleins de sensibilités et de saveurs enfantines...
a bî-n râde potète...

Écrit par : thonet | 25/06/2012

Répondre à ce commentaire

Exactement le type d’idee que je me fesait sur le sujet, merci bien pour cet de renom produit

Écrit par : pari en ligne | 27/05/2014

Répondre à ce commentaire

WOW, ça c'est un bon produit, que et je vous laisse tout de suite un commentaire

Écrit par : parier france honduras | 12/06/2014

Répondre à ce commentaire

Les commentaires sont fermés.